穿幾多磅!?

穿幾多磅!?
 

我們經常會在球場上聽到, "你支屠龍刀穿/ 拉幾多磅?"
一般初學者, 入門兄弟可能未必明, 因為高階的YY(其實適用於各牌子)球拍在買的時候只係會得個框, 球線及手膠則要另外自己選擇

這樣做的原因是讓球拍有更高自由度, 可根據自己的打法而對球拍作出調節

今日我首先同大家講講拉線

拉線既時候呀阿事頭/ 事頭婆通常都會問”穿幾多磅呀!" 磅數就是線的張力

一般入門, 業餘球手拉線都在20-27磅之間, 而職業球員等則由28-38磅不等
低磅即是線拉得比較冇咁緊,  手指稍微用力就可以將線禁落去
而高磅即是將線拉得較緊, 如果用手指禁下, 會發覺好似禁落牆的感覺

低磅及高磅的分別
使用穿了低磅數的球拍相對發力要求, 體力消耗較小, 因為可以借助球線的彈性將波打出去, 感覺就似個波在球拍上漿一漿住才回彈出去, 所以在力度, 落點等的控制等會較差

使用高磅數的球拍相對發力要求, 體力消耗較高, 你用了多少力個波就飛得幾快, 感覺就似用一塊硬物打緊波, 個波一碰到塊拍就彈番出去

拉線選擇磅數的考慮
主要的考慮就是自己的程度, 再其次就是耐用度

選擇高磅數的原因不外乎是在殺波時球速更快, 更暴力,以及對球有更好的控制,令落點更精準其次, 當線在穿得高磅數時會比低磅數時易斷, 因為條線拉得”行”,所以穿高磅的消費亦相對較高所以若然自己只是入門級, 未能完全掌握有關技術如殺球, 拉吊, 等, 都係乖乖地穿番個20-24磅, 等到日後技術有所改善再加重磅數都未遲, 仲可以慳番d錢

題外話 (溫馨提示)
未經訓練的兄弟們千萬唔好隨意拉高磅(個人認為超過24), 因為高磅數相對用力要求高,入門的兄弟用起上黎會覺得打d波唔點去, 繼續使力, 若姿勢不正確加上用力過度好容易會令手部受傷, 切記切記